У студыі Радыё Марыя – мастак Мікола Купава. Размова да 500-годдзя кнігадрукавання ў Вялікім Княстве Літоўскім. Францішак Скарына меў навуковыя ступені​ доктара філасофіі і медыцыны, быў кнігавыдаўцом і кніжным дызайнерам, займаўся працай па перакладзе тэкстаў Старога Запавета, напісанні аўтарскіх каментарыяў, падрыхтоўцы шрыфтоў і гравюр. Ці мог усё гэта зрабіць адзін чалавек? Ці з’яўляецца выпадковасцю, што Скарына паходзіць менавіта з Полацка? Чаму асветнік вучыўся ў Кракаве і выдаваў першыя кнігі ў Празе? Ці меў першадрукар вусы? На партрэце асветніка адлюстравана пчала або муха? Мастак расказаў таксама пра свой значны праект – энцыклапедычны даведнік "Францыск Скарына і яго час", які быў выдадзены ў 1988 годзе.