Нацыянальная бібліятэка любой краіны – гэта прадмет гонару і сведчанне ўзроўню развіцця нацыі. Роўна 100 гадоў таму назад адкрыла свае дзверы Нацыянальная бібліятэка Беларусі і гэта выключна важная падзея ў айчыннай гісторыі. Дзе яна знаходзілася першапачаткова? Як туды трапілі каштоўныя рарытэты? Чым займаліся бібліятэкары і хто імі кіраваў? Як у ўзнікла айчынная Кніжная палата? Як бібліятэка стала найбольшай кніжніцай Беларусі? Пра ўсё гэта ўзгадвае ў сваіх успамінах знакаміты вучоны Мікола Улашчык. Гэта той самы Мікола Улашчык, які даследаваў і апублікаваў найбольш каштоўныя і старажытныя беларускія рукапісы і іншыя гістарычныя крыніцы. Але мала хто здагадваецца, што свой навуковы і працоўны шлях ён пачынаў у 1920-х Беларускай дзяржаўнай бібліятэцы, якую ён запомніў на ўсё жыццё.