Беларускія дзяржаўныя СМІ працуюць у рэжыме жорсткай прапаганды і дзейнічаюць у рамках расійскай тэзіснай канструкцыі на ўкраінскім напрамку. Прапаганда становіцца ўсё больш жорсткай, а эфект ад яе не такі вялікі. Існуе дзве групы медыя-спажывання на полюсах палітычнага магніта і большую частку насельніцтва паміж імі, якой пасылы з "полюсаў" не даходзяць. Ніхто не кантралюе хаця б 50% беларускага інфармацыйнага поля. Ёсць магчымасць прабіць "інфармацыйную бурбалку" закрытых груп, спрабуючы ўчапіць прадстаўнікоў розных груп беларускага грамадства мінімум сямю фарматамі.