Беларусы з усяго свету сабраліся разам, каб заспяваць нацыянальны гімн «Пагоня». У часы, калі многія знаходзяцца за межамі роднай краіны, важна памятаць, што мы — адна сям'я. І ў якіх кутках свету мы б ні апынуліся, мы — ёсць. Мы — разам. Мы — падтрымліваем адно аднаго. Справай, песняй. І робім гэта годна. Дыяспары з усіх краін чарговы раз аб'ядналіся, каб паказаць моц беларускага народа. «Не разбіць. Не спыніць. Не стрымаць» — гэта не проста словы з песні, а наша рэальнасць. У здымках кліпа паўдзельнічалі дыяспары з усяго свету. Памятайма: беларусы — гэта не пра месцазнаходжанне, а пра стан душы. Кліп створаны ў працяг праекта «Спяваем Годна» дзякуючы «Беларускаму дому» і вольнаму аб'яднанню беларусаў свету «Годна Замежжа». Старонка аб'яднання: https://supolka.net/hodna-abroad/ Поўны спіс удзельнікаў: Аўстралія Бельгія Бразілія (Саўвадор, Сан-Паўлу — выканаўца Cris Miguel) Германія Грузія Ізраіль (Ашдод, Эйн-Еркнам) — выканаўца Лізавета Хургіна, оперная спявачка Тамара Варвашэня, выканаўца Дзмітрый Пятроўскі Італія Канада Кіпр Літва (Вільнюс, Друскінінкай) Латвія Нідэрланды ААЭ (Дубай) Партугалія Расія (Масква, Санкт-Пецярбург) ЗША (Нью-Ёрк, Сіэтл) Тайвань Турцыя Чылі Швейцарыя Швецыя Эстонія У гэтую версію роліка пакуль не ўвайшлі: Аўстрыя, Беларусь, Вялікабрытанія, Ірландыя, Польшча, Украіна, Фінляндыя, Францыя, Шатландыя, выканаўцы Руся (Беларусь, Украіна) і Тарас Таполі (гурт Антитiла, Украіна). Чакайце апдэйт! Падтрымаць нашую працу праз спонсарскую падпіску можна тут: https://www.youtube.com/channel/UC1M8OGVo7QOIx8fkGGVS-8A/join Ранейшыя выпускі: Спяваем Годна нацыянальны гімн Беларусі «Пагоня»: https://youtu.be/nhaBzLqp3OU Спяваем Годна гімн БНР «Ваяцкі марш»: https://youtu.be/CKGsmzHuMqU Спяваем Годна і па-беларуску «Перамен»: https://youtu.be/rDQPSYyZT7E Спяваем Годна з Лявонам Вольскім «Паветраны шар»: https://youtu.be/NzcPh6aVt_Q​ Спяваем Годна са Змітром Вайцюшкевічам «Я нарадзіўся тут»: https://youtu.be/1v_nXJCW2Kk​ Спяваем Годна карагодную песню «Што й па мору»: https://youtu.be/H3Pl64uOShU Гімн «Пагоня» (караоке-версія): https://youtu.be/a6h9E6jvKvE Гімн «Пагоня» (Vilnia video): https://youtu.be/KovAyhJfeSo Гімн «Пагоня» (lyric video): https://youtu.be/gc6VYsjj4AI Тэкст: Максім Багдановіч Музыка: Мікола Шчаглоў-Куліковіч Толькi ў сэрцы трывожным пачую За краiну радзiмую жах, Успомню Вострую Браму святую I ваякаў на грозных канях. У белай пене праносяцца конi, Рвуцца, мкнуцца i цяжка хрыпяць, Старадаўняй Лiтоўскай Пагонi Не разбiць, не спынiць, не стрымаць! Старадаўняй Лiтоўскай Пагонi Не разбiць, не спынiць, не стрымаць! У бязмерную даль вы ляцiце, А за вамi, прад вамi — гады. Вы за кiм у пагоню спяшыце? Дзе шляхi вашы йдуць i куды? Мо яны, Беларусь, паняслiся За тваiмi дзяцьмi наўздагон, Што забылi цябе, адраклiся, Прадалi i аддалi ў палон? Што забылi цябе, адраклiся, Прадалi i аддалi ў палон? Бiце ў сэрцы iх — бiце мячамi, Не давайце чужынцамi быць! Хай пачуюць, як сэрца начамi Аб радзiмай старонцы балiць. Мацi родная, Мацi-Краiна! Не ўсцiшыцца гэтакi боль. Ты прабач, ты прымi свайго сына, За Цябе яму ўмерцi дазволь! Ўсё лятуць і лятуць тыя коні, Срэбнай збруяй далёка грымяць... Старадаўняй Літоўскай Пагоні Не разьбіць, не спыніць, не стрымаць. Старадаўняй Літоўскай Пагоні Не разьбіць, не спыніць, не стрымаць. Далучайцеся да старонак кампаніі ў сацыяльных сетках, каб не прапусціць годныя падзеі: https://instagram.com/hodnaby https://facebook.com/hodnaby https://t.me/hodnaby https://twitter.com/hodnaby https://vk.com/hodnaby https://ok.ru/hodnaby https://youtube.com/hodnaby https://tiktok.com/@hodnaby