29 кастрычніка адзначаецца Ноч расстраляных паэтаў. У гэтым відэа прадстаўлена дэклямацыя верша Алеся Дудара "Пасеклі край наш", напісанага ў 1928 годзе. Верш закранае тэмы падзеленай Беларусі, чужой улады, нацыянальнай годнасці і надзеі на вызваленне. Алеся Дудара арыштавалі ў 1929 годзе за гэты твор, і ён быў высланы ў Смаленск на тры гады. Пасля вяртання ў Менск паэт працягваў сваю творчасць, але ў 1936 годзе быў зноў арыштаваны і расстраляны 29 кастрычніка 1937 года. У відэа таксама паказаны фрагменты публічных чытанняў, якія адбыліся ў запаведніку Эйн-Афэк у Ізраілі, арганізаваных беларускамоўнай суполкай "Беларускія Гутаркі". Словы Алеся Дудара гучаць актуальна і балюча нават праз стагоддзе.