Прывітаньне! Мяне клічуць Ільля Фаляжынскі. Прапаную вам пазнаёміцца з тым, што у мяне тут ёсьць: зь песьнямі, вершамі, развагамі, інтэрвію, запрашэньнямі і шмат з чым яшчэ. Кораценька пра мяне: Ільля Фаляжынскі - беларускі аўтар-выканаўца і мастак з Варшавы. Прымаў удзел ў фэстывалі "Бардаўская восень - 2015" у Бельску Падляскім у Польшчы, а ў пачатку гэтага жа году "выбухнуў" зь песняй "Зялёная гарбата". Другой запісанай у студыі песняй стала «Няўпэўненасьць», дзякуючы якой склаўся канчатковы вобраз творцы. Працяглы час вандраваў па гарадах Беларусі з выступамі на курсах беларускай мовы "Мова Нанова". Засьвяціўся на тэлебачаньні ў перадачы "Подых струн", а ў канцы 2016 году выдаў дэбютны альбом пад назвай "Схавацца ў туман" і стаў адным з намінантаў "Адкрыцьця году" па вэрсіі парталу Tuzinfm.by. На ягоныя песьні на прасторах YouTube зьявілася некалькі кавэраў. У 2017 годзе апублікаваў EP з чатырох песень Ci voźmieš mianie?, а другі альбом Navobmacak музыка прэзэнтаваў у 2019.