Старонка відэакантэнту аддзела фалькларыстыкі і культуры славянскіх народаў Інстытута мастацтвазнаўства, этнаграфіі і фальклору імя Кандрата Крапівы НАН Беларусі, які займаецца вывучэннем праблем генезіса і эвалюцыі традыцыйных жанраў і відаў фальклору, разнастайных аспектаў беларускай міфалогіі, народнай медыцыны, этналінгвістыкі, этнабатанікі і этназаалогіі. Сярод галоўных задач аддзела - правядзенне сучасных палявых даследаванняў беларускага фальклору, яго дакументаванне і захаванне, а таксама навуковая інтэрпрэтацыя і папулярызацыя нематэрыяльнай культурнай спадчыны Беларусі. У аддзеле назапашана Калекцыя фальклорных запісаў, якая мае статус нацыянальнага навуковага здабытку.