Як фармуецца рэйтынг беларускіх YouTube-каналаў?

Рэйтынг каналаў у Brama будуецца на аснове дадзеных, якія праект атрымлівае праз YouTube API. Мы рэгулярна абнаўляем інфармацыю пра каналы і відэа і іхную статыстыку. У рэйтынг трапляюць каналы, якія ўжо ёсьць у каталёгу Brama.

Асаблівасьць YouTube у тым, што сума праглядаў відэа для некаторых каналаў можа не адпавядаць паказчыкам агульнага лічыльніка каналу. Ёсьць некалькі прычынаў, але асноўная ў тым, што YouTube пэрыядычна праводзіць аўдыт і выдаляе прагляды ад ботаў, накруткі і падазронай актыўнасьці. Гэтыя карэкціроўкі прымяняюцца да агульнай статыстыкі каналу, але не заўсёды сынхронна абнаўляюцца на ўзроўні асобных відэа.

Важнае ўдакладненьне пра Shorts

YouTube ў агульным лічыльніку праглядаў каналу ўлічвае як звычайныя гарызантальныя відэа (уключна з трансьляцыямі), так і шортсы. Мы не вядзем асобны збор статыстыкі для шортсаў. Колькасьць праглядаў шортсаў у рэйтынгу разьлічваецца на аснове іншых сабраных дадзеных. Прасьцей кажучы, мы спачатку калькулюем дадзеныя па праглядах звычайных відэа і адымаем гэтую суму ад агульнай колькасьці праглядаў каналу, каб атрымаць прыкладную колькасьць праглядаў шортсаў.

Як працуюць пэрыяды

На старонцы рэйтынгу можна выбраць пэрыяд: увесь час, тыдзень або месяц.

• Для рэйтынгу па праглядах гэта азначае, што ён будуецца па дадзеных за выбраны пэрыяд.
• Для рэйтынгу па падпісантах у пэрыядах тыдзень і месяц паказваецца прырост за адпаведны прамежак часу, а ня проста бягучая агульная колькасьць падпісантаў.

Важна разумець

Рэйтынг варта ўспрымаць як празрыстую і рэгулярна абнаўляльную ацэнку ўнутры каталёгу Brama, але ня як «афіцыйны рэйтынг YouTube».